Спорттық ойындарымыз

Біздің мектепте спортқа ерекше көңіл бөлінеді. Апта сайын дене шынықтыру сабақтарында түрлі спорт түрлерімен айналысамыз. Әсіресе, футбол, волейбол, баскетбол сияқты командалық ойындар бізге қатты ұнайды. Бұл ойындар денемізді шынықтырып қана қоймай, достыққа, ұйымшылдыққа, тәртіпке тәрбиелейді.

Жыл сайын мектепте “Спорт күні” өткізіледі. Бұл күні оқушылар сыныптар арасында жарысады. Біз түрлі эстафеталарға, секіртпемен секіру, арқан тарту, дойбы және шахмат ойындарына қатысамыз. Мұндай күндер өте көңілді өтеді.

Спортпен шұғылдану – денсаулық кепілі. Сондықтан біз күн сайын жаттығу жасап, белсенді өмір салтын ұстануға тырысамыз. Болашақта чемпион болуды армандайтын достарымыз да бар.