Бүгін 10 маусым күні мектебімізде 11-сынып оқушылары және ұстаздар қауымымен маңызды жиналыс ұйымдастырылды.

Бүгін 10 маусым күні мектебімізде 11-сынып оқушылары және ұстаздар қауымымен маңызды жиналыс ұйымдастырылды. Бұл – жай ғана жиналыс емес, әр баланың үніне құлақ асылған, жүректен жүрекке жол тартқан ашық диалог болды. 19 маусым күні өтетін аттестат тапсыру салтанатының мазмұны мен тәртібі кеңінен талқыланды. Биылғы аттестат беру шарасының ерекшелігі – оқушылардың елге деген сүйіспеншілігін білдіретін патриоттық хор орындауымен қорытындылануы. Бұл – тек рәсім емес, болашаққа жігермен қадам басқан ұрпақтың үндеуі!
Мектеп директоры Айтулова С.А әр оқушымен жеке-жеке ашық сұхбат жүргізіп, олардың ойы мен ұсыныстары тыңдалды.
Сондай-ақ оқушыларымыздың қауіпсіздігі басты назарда болды. Кештерге қатысу, ойын-сауық орындарына бару, автокортежбен жүру сияқты әрекеттерге қатаң тыйым салынатыны нақты ескертілді.
Әрбір түлекке жауапты мұғалімдер бекітілді, бұл – балаларымыздың қауіпсіздігін қамтамасыз етудің, олармен тығыз байланыста болудың маңызды тетігі.
👪 Алдағы уақытта дәл осы бағыттағы жиналысты 17 маусым күні ата-аналармен де өткізуді жоспарлап отырмыз. Себебі – мектеп, ата-ана, бала үштігі бір мақсатта жұмылса ғана, үлкен нәтижеге қол жеткізе аламыз.