«Жас Ұлан» және «Жас Қыран» балалар мен жасөспірімдер ұйымына қабылдау рәсімі

Оқушыларды «Жас Ұлан» және «Жас Қыран» балалар мен жасөспірімдер ұйымына қабылдау рәсімі өтті.

Іс-шараның мақсаты – өскелең ұрпақты патриотизмге, елжандылыққа, ұлттық рух пен адамгершілікке тәрбиелеу.

Салтанатты жиын барысында оқушылар «Жас Ұлан» және «Жас Қыран» ұйымының қатарына қабылдану антын қабылдады. Қатысушыларға ұйымның төсбелгілері тағылып, галстук тағу рәсімі өткізілді.

Жас ұландар ел болашағына өз үлестерін қосуға, оқу озаты әрі үлгілі тәртіпті оқушы болуға уәде берді.

Аталған іс-шара оқушылардың бойында жауапкершілік пен мақтаныш сезімін қалыптастырды.